ਜੂਨ 1984 ਸ਼ਹੀਦ ਭਾਈ ਮਹਿੰਗਾ ਸਿੰਘ ਬੱਬਰ ਦੀ ਪਰਿਵਾਰ ਨੂੰ ਲਿਖੀ ਆਖਰੀ ਚਿੱਠੀ
ਜੂਨ 1984 ਘਲੂਘਾਰੇ ਦੇ ਪਹਿਲੇ ਸ਼ਹੀਦ ਭਾਈ
ਮਹਿੰਗਾ ਸਿੰਘ ਬੱਬਰ (ਅਸਲ ਨਾਮ ਭਾਈ ਕੁਲਵੰਤ ਸਿੰਘ)
ਵੱਲੋਂ ਆਪਣੇ ਪਰਿਵਾਰ ਨੂੰ ਲਿਖੀ ਆਖਰੀ ਚਿੱਠੀ ਕਿ
ਅਰਦਾਸ ਕਰੋ ਇਹ ਸਰੀਰ ਪੰਥ ਖਾਤਰ ਲੱਗ ਜਾਵੇ
ਸਤਿਕਾਰਯੋਗ ਭਾਪਾ ਜੀ ਤੇ ਭਾਬੀ ਜੀ
ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕੀ ਫਤਹਿ
ਮੈਂ ਇਥੇ ਵਾਹਿਗੁਰੂ ਦੀ ਕਿਰਪਾ ਸਦਕਾ
ਰਾਜੀ ਖੁਸ਼ੀ ਹਾਂ | ਆਪ ਜੀ ਦੀ ਰਾਜੀ ਖੁਸ਼ੀ
ਦਸਮ ਪਿਤਾ ਤੋਂ ਮੰਗਦਾ ਹਾਂ |
ਭੈਣ ਜੀ ਤੇ ਭਾਅ ਜੀ ਆਏ ਹਨ
ਉਨਾਂ ਪਾਸੋਂ ਸਬ ਘਰ ਬਾਰੇ ਪਤਾ ਲਗਾ
ਹੈ | ਸੋ ਪਤਾ ਲਗਾ ਹੈ ਕਿ ਦੋਨੋਂ ਭਰਜਾਈਆਂ
ਦੇ ਘਰ ਲੜਕੀਆਂ ਹੋਈਆਂ ਹਨ ਮੇਰੇ ਵਲੋ
ਆਪ ਨੂੰ ਵਧਾਈ ਹੋਵੇ |
ਆਪ ਜੀ ਸਚੇ ਵਾਹਿਗੁਰੂ
ਵਲ ਧਿਆਨ ਰਖਿਆ ਕਰੋ ਮਨ
ਚੜ੍ਹਦੀ ਕਲਾ ਵਿਚ ਜਾਵੇ ਗਏ |
ਆਪ ਜੀ ਅਰਦਾਸ ਕਰੋ ਕਿ ਗੁਰੂ ਸਾਹਿਬ
ਆਪ ਦੇ ਪੰਥ ਦੀ ਵਧ ਤੋਂ ਵਧ ਸੇਵਾ
ਬਖਸ਼ਨ ਤੇ ਇਹ ਸਰੀਰ ਪੰਥ ਖਾਤਰ
ਲਗ ਜਾਵੇ |
ਭਾਪਾ ਜੀ ਦਾ ਕੀ ਹਾਲ ਹੈ ?
ਮੇਰੇ ਵਲੋ ਸਬ ਪਰਿਵਾਰ
ਨੂੰ ਦੋਏ ਹਥ ਜੋੜ
ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕੀ ਫਤਹਿ
ਗਲਤੀ ਮਾਫ ਕਰਨੀ |
ਦਾਸ
ਕੁਲਵੰਤ ਸਿੰਘ
